Grágás

#	Þáttur	Kaflar	Orð	Lýsing
1	Kristinna laga þáttur	59	17.036	Guðslög.
2	Erfðaþáttur	25	10.741	Erfðalög.
3	Ómagabálkur	37	12.834	Framfærslulög.
4	Festaþáttur	64	16.607	Hjúskaparlög.
5	Um fjárleigur	86	20.268	Landbúnaðarlög og atvinnulög.
6	Vígslóði	126	29.488	Refsilög.
7	Landabrigðisþáttur	74	35.403	Landbúnaðarlög og atvinnulög.
8	Þingskapaþáttur	66	30.284	Stjórnskipunarlög.
9	Baugatal	3	3.879	Skaðabótalög.
10	Lögsögumannsþáttur	–	583	Stjórnskipunarlög.
11	Lögréttuþáttur	–	1.821	Stjórnskipunarlög.
12	Rannsóknaþáttur	7	2.261	Þáttur um rannsókn á stuldi.
13	Stakir kaflar úr Konungsbók	5	1.676	Ýmisleg viðfangsefni og nýmæli í lögum.
14	Stakir kaflar úr handritsbroti (AM 315 d fol.)	4	1.684	Landbúnaðarlög og atvinnulög.

Um Grágás

Grágás er lagasafn þjóðveldistímabilsins (930 – 1262/64). Lögin sem það inniheldur voru byggð á Gulaþingslögum frá Noregi. Lög þess féllu úr gildi með lögtöku Járnsíðu á árunum 1271 til 1274. Lagasafnið er varðveitt í nokkrum misheillegum handritum en Staðarhólsbók (AM 334 fol.) og Konungsbók (GKS 1157 fol.) eru þau ítarlegustu.

Árið 1992 gaf Mál og menning út Grágás: Lagasafn íslenska þjóðveldisins eftir Gunnar Karlsson, Kristján Sveinsson og Mörð Árnason. Inniheldur bókin efni handritanna í stöðluðu og uppfærðu máli ásamt ýmsum skýringum.

Framsetning þessi á Grágás byggir á fyrrnefndri bók sem sjálf byggir á efni Staðarhólsbókar og svo efni Konungsbókar þegar hún nær lengra auk nokkurra innskota úr öðrum handritsbrotum. Í lokin eru stakir kaflar úr Landabrigðisþætti sem finnast á handritsbrotinu AM 315 d fol.

Bók Gunnars, Kristjáns og Marðar inniheldur mikinn fróðleik um sögu handritanna, ritunartíma og ritara. LagaWiki mælir með lestri hennar en leyfir sér að birta meginefni hennar hér þar sem lagatexti getur ekki verið höfundarréttarvarinn, hvort sem hann er í upprunalegu máli eða nútímavæddu.

Skammstafanir

Ef texti finnst í einu handriti sem ekki er að finna í hinum þá er hann settur innan hornklofa þar sem hann birtist í því handriti.

Aðalhandrit

Skammstöfun	Handrit
K:	GKS 1157 fol., Konungsbók
S:	AM 334 fol., Staðarhólsbók

Önnur handrit

Skammstöfun	Handrit
Ab:	AM 135 4to, Arnarbælisbók
Bd:	AM 347 fol., Belgsdalsbók
Sk:	AM 351 fol., Skálholtsbók
St:	AM 346 fol., Staðarfellsbók
Tr:	UppsUB R 713, Troilsbók
X:	AM 173 c 4to
Y:	AM 125 a 4to
Z:	AM 181 4to