Jónsbók

#	Bálkur	Kaflar	Orð	Lýsing
1	Þingfararbálkur	9	2.980	Stjórnskipunarlög.
2	Kristinn réttur og konungserfðir	11	2.822	Guðslög.
3	Konungs þegnskylda	3	764	Stjórnskipunarlög.
4	Mannhelgi	31	8.358	Refsilög.
5	Kvennagiftingar	6	1.878	Hjúskaparlög.
6	Erfðatal	28	5.093	Erfðalög.
7	Framfærslubálkur	13	3.610	Framfærslulög.
8	Landabirgðabálkur	12	2.646	Landbúnaðarlög.
9	Búnaðarbálkur	59	16.119	Atvinnulög.
10	Rekaþáttur	12	3.712	Bálkur um reka.
11	Kaupabálkur	26	5.725	Viðskiptalög.
12	Farmannalög	27	5.515	Siglingalög.
13	Þjófabálkur	23	4.377	Bálkur um stuldi.

Um Jónsbók

Jónsbók er lögbók sem lögtekin var árið 1281 og feldi úr gildi Járnsíðu. Ákvæði úr henni eru í gildi enn. Lögbókin er varðveitt í vel á þriðja hundrað handritum, mest allra íslenskra handrita. Mismunandi getur verið eftir útgáfum hversu margar réttarbætur eru látnar fylgja með og hvernig farið er með þær.

Árið 2004 gaf Háskólaútgáfan út Jónsbók: Lögbók Íslendinga hver samþykkt var á alþingi árið 1281 og endurnýjuð um miðja 14. öld en fyrst prentuð árið 1587 eftir Má Jónsson, Gísla Baldur Róbertsson og Harald Bernharðsson. Inniheldur bókin efni handritanna í stöðluðu og uppfærðu máli ásamt ýmsum skýringum.

Bók Más, Gísla og Haralds inniheldur mikinn fróðleik um sögu lögbókarinnar. LagaWiki mælir með lestri hennar en leyfir sér að birta meginefni hennar hér þar sem lagatexti getur ekki verið höfundarréttarvarinn, hvort sem hann er í upprunalegu máli eða nútímavæddu.